Nakasaganan ti Professional Regulation Commission-Cordillera iti maangay a Licensure Examination for Teachers(LET) inton bigat.
Iti panakiuman ti Bombo Radyo kenni Juanita Domogen, Director iti Professional Regulation Commission-Cordillera, pakabuklan a 900 ti bilang dagiti examination personnel a maideploy kadagiti nagduduma a testing centers pakairamanan dagiti proctors, floor supervisors, ken building supervisors.
Impasigurado ni Domogen a naan-anay ti panaka-orient dagitoy para iti nadakamat nga eksaminasyon nu sadino,awan ti makitkitana a parikut.
Malaksid kadagiti examination personnel, maideploy metlaeng dagiti security staff manipod Baguio City Police Office(BCPO), ken dagiti manipod iti fire department a nadutukan kas medical personnel.
Innayon ni Domogen a posible a makaapektar iti gunay ti trapiko ti eksaminsyon ngem naikoordinardan iti Baguio City Police Office(BCPO) daytoy.
Kabayatanna, sangapulo met a testing centers iti siudad ti maaramat para iti eksaminasyon pakairamanan iti Baguio Central School, Josefa Cariño Elementary School, ken iti Easter College para iti elementary level,ken ti Baguio City High School, Baguio Central Univesity-Bonifacio Campus,Lucban Elementary School, Pines City Colleges, University of Baguio, ken University of the Cordilleras met para iti secondary level.//Bombo Rob Dominguez
