BAGUIO CITY – Manarimaan ti profiling ti Philippine Drug Enforcement Agency (PDEA)-Cordillera kadagiti narco- politicians iti rehiyon Cordillera.
Sigun kenni PDEA-CAR Regional Director Gil Castro, iggemda ita ti listaan dagiti Persons of Interest a naibasar iti Inter Agency Drug Information Database dagitoy.
Kinunana a dumanonen iti 66 nga indibidual ti naipasidong iti adjudication process kalpasan a napaneknekan a saanda a karaman iti listaan ti narco-politicians ti gobierno.
Manipod iti nasao a bilang, dumanon iti 54 dagiti elected politician, pakairamanan ti lima a mayor, maysa a sangguniang bayan member, 14 a barangay chairman, ken 34 a barangay kagawad.
Pakairamanan pay ditoy ti 17 dagiti incumbent officials a buklen ti maysa a mayor, innem a barangay chairman ken 10 a barangay kagawads.
Dumanon met iti 22 nga opisyal ti maipaspasidong iti background check.
Imbutaktak pay ni Castro nga adda ti maysa a pulitiko a nangipila iti kandidatura daytoy sadiay probinsya ti Abra a nailista kas Drug User.
Inaklonna a marigatanda iti nasao a pulitiko agsipo ta nagkedked daytoy a mangipakita iti resulta ti drug test-na ken saanda a mabalin a piliten a mangisubmitir iti daytoy.
Gapu iti daytoy , kinaritna ti nasao a kandidato a mangiparang laeng iti negatibo a resulta ti drug test daytoy tapnu madalusan ti naganna kadakuada.
