BAGUIO CITY – Agtultuloy dagiti programa ti Department of Labor and Employment tapno maawan dagiti kaso ti child labor iti rehiyon Cordillera.
Sigun kenni Emerito Narag, Assistant Regional Director ti Department of Labor and Employment – Cordillera, bimmaba ti bilang dagiti ubbing a trabahador idi napalpalabas a tawen gapu kadagiti nagduduma a programa nga impatungpal ti gobyerno para kadagitoy pakairamanan dagiti pamilya da.
Karaman kadagiti programa ket ti panakaipaay ti livelihood assistance kadagiti nagannak dagiti child laborers tapno maikkat dagiti ubbing ken agtutubo kadagiti napeggad a klase ti trabaho ken makasublida metlaeng iti pagadalan.
Malaksid iti dayta, naibangon metlaeng ti Project Angel Tree program ti Department of Labor and Employment a nairanta metlaeng kadagiti child laborers.
Iti nasao a programa, isabsabit dagiti ubbing dagiti kayatda (wishesda) nu sadino pagtutulongan met dagiti nagduduma nga ahensya ken private sectors nga ipaay dagitoy pakairamanan ti panakaipaay dagiti school supplies para kadagitoy.
Iti agdama, manarimaan ti monitoring ken profiling ti ahensiya kadagiti child laborers iti Cordillera.//Bombo Jez Lapizar
