Maguyguyugoy dagiti mannalon nga makikoordinarda ken iturongda iti kapulisan dagiti saan a malako a natengda.
Sigun kenni Pltcol Marvie Amilao,Force Commander ti Benguet 2nd Provincial Mobile Force Company, agtultuloy latta ti programa dagitoy a “Project Pacdaw” no sadino adu latta dagiti nateng a maaw-awatda nga isu ti ipadpadawatda a libre kadagiti agkasapulan manipud kadagiti mannalon.
Innayon ti opisyal a maysa kadagiti pangiturturonganda kadagit natnateng ket idiay Bureau of Jail Management and Penology (BJMP) , dadduma nga ahensya ati gobyerno ken iti komunidad. Panngep ti nasao a programa a tumulong tapno saan a masayang dagit natnateng dagiti mannalon.
Kadawyan met a naaw-awat dagitoy ket dagiti carrots ken onion leeks no sadino naobserbaran ti nababa a presyoda kadagiti napalabas nga aldaw.
Nangipaay met ti mensahe ti opisyal a saan kuma a maupay dagiti mannalon ken ginuyugoyna dagiti mannalin tapno iturongda dagiti saan a malako a produktoda iti opisina ti Benguet 2nd Provincial Mobile Force Company idiay Wangal tapno maipaay dagitoy kadagiti agkasapulan.