--Ads--
BAGUIO CITY – Impaayan ti Baguio City iti “proper burial rite” dagiti daanen ken nadadael a bandera ti Pilipinas a naaramat ditoy siudad sakbay a maikali dagitoy.
Daytoy a seremonya ket maitunos iti ordinansa a napauloan iti Huling Parangay sa Watawat ng Pilipinas a mangimanmandato kadagiti ahensia ti gobyerno ken daduma pay nga institusyon a sakbay a sukaten dagiti daanen ken nadadael a bandera ket nasken nga ipatungpalda ti umno a burial ceremony.
Nailanad metlaeng iti nasao nga ordinansa a nasken a mapigis, mapuoran ken maikabil iti kawa sakbay a maitabon dagitoy.
Napasamak ti nasao a seremonya idi agsapa sadiay Baguio Convention Center nga inatendaran ti lokal a gobyerno ken Boy Scout of the Philippines Baguio City Council.
