Imbinglay ni Atty. Elmer Datuin a nu maipapan iti entertainment, mabalin a maipatungpal ti naituding nga event a Baguio Horror Festival.
Nupay kasta, iti pannakiuman ti Bombo Radyo kenkuana, impettengna nga adda dagiti mangtubtubngar iti nasao nga event partikular dagiti religious groups gapu iti tema daytoy.
Sigun kenni Councilor Datuin, impetteng dagiti religious group a mabalin ngamin a mangimpluwensiya ti nasao nga event iti kagagalad dagiti ubbing ken saan a daytoy a mayanatup nga aktibidad iti siudad gapu ta mabigbigbig a Character City.
Innayonna a gapu ta maysa daytoy a piyesta, manamnama nga adu dagiti maipatungpal nga aktibidad a konektado iti horror no sadino posible ngamin nga adda dagiti mapasamak isu’t gapunna nga idi pay laeng damo ket addan ti opposition iti nasao nga event.
Nupay kasta, imbinglay ni Councilor Datuin nga impetteng ni Vice Mayor Faustino Olowan nga ipadalanda latta daytoy iti due process tapno maikan ti gundaway ti mangngegan ti dua a benneg no sadino nangi-iskedyulda iti forum ken mapaayaban dagiti organizers wenno proponents iti nasao nga event ken dagiti mangtubtubngar iti daytoy inton Setyembre 21, tapno mangngegan met ti pammalawag ti dua a benneg.
Ti Baguio Horror Festival ket nangrugi a maipatungpal idi 2011 ken tinawen a maipatpatungpal. Maysa kadagiti highlight daytoy ti Zombie Walk. //kcs//
ADTOY TI PASET TI PANNARITA NI ATTY. ELMER DATUIN, COUNCILOR ITI SIUDAD TI BAGUIO :
