Pinasingkedan ni Justice Secretary Jesus Crispin Remulla a naglusulos kas prosecutor general ti Department of Justice’s National Prosecution Service (NPS) ni Benedicto Malcontento.
Sigun kenni Malcontento, nagserbi iti National Prosecution Service, Department of Justice iti agarup lima a tawen ket ita inkeddengna nga ituloy dagiti dadduma pay a panggepna.
Impeksa met daytoy ti panagyaman, naragsak ken dayaw iti panagserbina iti Department of Justice’s National Prosecution Service.
Maipalagip a dinutokan ni sigud a President Rodrigo Duterte ni Malcontento iti nasao a puesto idi Hunio 2019.
Kabayatanna, ti National Prosecution Service ket mangisaysayangkat iti preliminary investigation ken prosecution kadagiti amin a kaso a pakainaigan ti panaglabsing iti penal laws iti pagilian a Pilipinas.
