Impetteng ti depensa nga awan ti napigsa nga ebidensya ti prosekusyon a nag-hire ni VP Sara Duterte iti ‘assassin’ a naituding a mangpapatay kenni President Ferdinand Marcos, Jr.
Daytoy ti inwaragawag ni Mark Vinluan, maysa kadagiti legal counsel ni VP Sara iti closing remark daytoy kabayatan iti maikatlo nga aldaw ti impeachment trial ni VP Sara.
“The prosecution’s admission before this honorable court made the respondent’s position clear. The prosecution has no other competent evidence to prove that VP Sara contracted an assassin,” sigun kenni Vinluan.
Sigun kenni Vinluan, ti panangisawang ni VP Sara kadagiti dakdakamatenda a pangta ken nagtaud metlaeng iti maatap a pangta kontra iti biyag ti pamilya Duterte.
Impetteng daytoy a ti insawang daytoy a madakdakamat ita a ‘grave threat’ ket sungbatna iti ‘Operation Romanov’ , maysa a plano a mangpapatay kenni VP Sara ken ti pamilyana.
“The truth of the matter is this. She and her family were threatened, and while her response was unconventional, it was justified. What triggered her response was a question about ‘Operation Romanov’, which is the plot to eliminate VP Sara and her entire family,” sigun kenni Vinluan.
Kabayatanna, positibo met ni Atty. Michael Poa iti nagbalin a taray ti maikatlo nga aldaw ti hearing no sadino para kenkuana, 10/10 ti internal review na iti napasamak a panagdengngeg.
Sigun kenkuana, adda dagiti targetda no sadino naipatungpal met amin dagitoy. //bombokaren.c.sapirao
