Nagtulag ti House prosecution ken defense panel para iti stipulation ti sumagmamano a ‘common exhibits’ iti panangtultuloy ti panagdengngeg iti misuse of confidential fund charges kontra kenni VP Sara Duterte ita nga aldaw.
Ti stipulation of common exhibits ket maysa a tulagan ti dua a benneg ti korte nga awatenda dagiti agpada nga ebidensya a saan a kasapulan a paneknekan nu lehitimo daytoy.
Gapu iti daytoy, nagkiddaw ti prosecution iti lima a minuto a suspension iti panagdengngeg ni Defense Counsel Atty. Michael Poa tapno adalenda ti kiddaw ti prosekusyon.
Iti panagtuloy ti hearing, immanamong metlaeng ti defense panel ni VP Sara nga awatenda ti sumagmamano a dokumentary evidences ti prosekusyon malaksid iti 845 acknowledgement receipts nga adaan iti petsa a Disyembre 1 agingga Disyembre 31.
Malaksid iti dayta, saan metlang nga inawat ti depensa ti maika-lima a proposed stipulation ti prosekusyon no sadino nakalanad a nakaawat ti Office of the Vice President (OVP) iti condifendial funds nga agatad iti P125 milyon idi Disyembre 20, 2022 na nagastos iti las-od ti 11 nga aldaw.
Dagiti kanayunan a proposed stipulations ti prosekusyon nga inadaptar ti depensa ket dagiti sumaganad:
- nakaawat ti DepED iti confidential funds nga agatad iti P37.M quarterly
- nakaawat ti OVP iti confidential funds nga agatad iti P125 Milyon idi Disiembre 2022
- inwithdraw ti OVP ken DepED ti confidential funds quarterly allocation in full manipud iti umuna agingga maikatlo a kwarter iti tawen 2023
- amin dagiti dokumento nga insumitir ti opisina ti bise presidente ket napirmaan babaen kadagiti authorized signatories. (not stipulated)
- Pirma da Gina Acosta, Julieta Villadelrey ken Rosalynne Sanchez ti adda kadagiti signatories kadagiti OVP documents
- Pudno a pirma dagiti opisyales a da Edward Fajarda, Ma. Rhunna Catalan, Annalyn Sevilla ken Gloria Jumamil-Mercado dagiti ada iti DepEd liquidation documents
Gapu iti daytoy, nagyaman ni Atty. Kapunan ti defense counsel iti panangstipulate kadagiti dadduma nga ebidensya.
Sigun kenni Atty. Kapunan, adda iti pakabuklan a 10 a kahon ti ebidensya ti naikisay iti 15 a kahon nga ebidensyada. //bombokaren.c.sapirao