Inwaragawag ni Lead Prosecutor Gerville Luistro idi kalman a saanen nga ipresenta ti House prosecution panel ti sumagmamano a naituding nga agtestigo iti impeachment trial ni VP Sara Duterte.
Daytoy ket mainaig iti Impeachment Article IV wenno ti maatap a panagpangta ni VP Sara kada President Ferdinand Marcos, Jr., First Lady Liza ken sigud nga House speaker Martin Romualdez.
Karaman kadagiti saanen a maipresenta dagiti representatives manipud Philippine National Police Firearms and Explosives Office (PNP FEO), ti journalist a da Mikhail Flores ken Bonz Magsambol, Sheriff Abe Andres, ken maysa a kapamilya ti biktima ti panagpangta ken maysa a psychiatrist.
Sigun kenni Luistro, ni laengen National Bureau of Investigation (NBI) Director Melvin Matibag ti agbalin a maudi a testigo ti prosekuston para iti Article IV.
Ti desisyon ti prosekusyon nga agkissay kadagiti testigo ket makitkita nga addang tapno mapapartak ti panagdengngeg. //bombokaren.c.sapirao
