Inlawlawag ti International Criminal Court (ICC) ti proseso ti uppat nga aldaw a confirmation of charges seknan ti kaso a crimes against humanity kontra kenni sigud a President Rodrigo Duterte gapu iti war on drugs campaign daytoy.
Sigun kenni International Criminal Court (ICC) spokesperson Oriane Maillet, mangrugi daytoy inton Pebrero 23.
Inlawlawagna a saan daytoy a pormal a trial ngem pre-trial hearing laeng.
Iti nasao a panagdengngeg, saan pay laeng daytoy ti panagdesisyon ti korte ti panagbalin nga inosente wenno guilty ti sigud a presidente no diket ditoy nga adalen ti pre-trial judge nu umdas dagiti ebidensiya tapno maiyuman ti kaso iti trial court.
Kabayatanna, immunan a saan a pinatgan ni nasao a korte ti saan a panag-atendar ti sigud a presidente iti hearing na ngem nabawi metlaeng daytoy kalpasan a pinatgan ti Pre-Trial Chamber 1 ti kiddaw ni sigud a President Duterte nga itantan ti panag-atendarna iti confirmation of charges hearingna gapu iti salun-at.
Sigun kenni Maillet, iti las-od ti uppat nga aldaw, dagiti prodecution, defense, ken legal representatives ti manamnama a makipaset iti nasao a hearing.
Kalpasan daytoy, maikkan ti Pre-Trial Chamber I ti 60 nga aldaw tapno adalen dagiti ebidensya ken mangiparuar ti desisyon nu maiyuman daytoy iti Trial Chamber wenno saanen. //BomboKCS
