Impetteng ni House impeachment trial spokesperson ken Kabataan Party-list Rep. Renee Co a saan a serseryoswen ti kampo ni Vice President Sara Duterte ti proseso ti impeachment trial.
Malaksid iti dayta, inawagan ni Co a “tunog lata” ti pre-trial brief ti impeachment case gaputa kurang ken saan a direkta ti sungbat ti kampo ti bise presidente.
Sigun kenni Co, napaay ti depensa a mangipaay iti nalawag a pammalawag seknan iti saan nga umno a panagaramat iti confidential funds, saan a mailawlawag a kinabaknang, panagpangta iti biag ni President Ferdinand Marcos Jr. ken dadduma pay nga alegasion.
Sigun pay kenni Co, nakalanad iti pre-trial brief a mangipresenta ti depensa kadagiti saksi ken dokumento tapno masungbatan ti alegasion.
Nupay kasta, awan ti nailawlawag a detalye no kasano a maaramid daytoy.
