Naipatungpal ti sabali manen a tignay protesta idi Malcolm square idi May 16, 2026.
Indaulwan daytoy ti Baguio-Benguet Laban sa Korupsyon a pinasetan dagiti agtutubo manipud ti naduma-duma nga unibersidad, private organizations ken dadduma pay.
Impukaw dagitoy ti panaka-arestar ni Senato Ronald “Bato” Dela Rosa, pannaka-impeach ni Vice President Sara Duterte, pannaka-isardeng ti vegetable smuggling, pannakaikkat ti oil deregulation law ken dadduma pay.
Sigun kenni Betty Listino, Chairperson of the Board of Directors ken founding member iti Pansigedan Advocacy Cooperative (PAC), nasken a maisardeng ti vegetable smuggling.
Iti panakiuman ti Bombo Radyo kenkuana, adda ti inaramid dagitoy a position paper a naiturong iti senado.
Nupay kasta, napasadaan laeng daytoy gapu iti napasamak a riribul iti Senado.
Inlawlawag ni Listino a nangrugi ti plano ti research idi 2019 no sadino, naisayangakat ti forum idi 2022, 2023 ken idi napalabas a domingo.
Nailobby metten ken naipaay kenni Senator Kiko Pangilinan.
Ti position paper nga impasa dagitoy ket naglaon ti uppat a “panukala” no sadinno resulta daytoy ti research nga impatungpal ti University of Baguio ken Benguet State University.
Umuna a “panukala” ket ti panakaipaulog a dagus ti moratoruim para iti no vegetable smuggling.
Maikadua ket para iti long term solution no sadinno, ma-establish ti national banner programa nangruna iti highland vegetables tapnu maipaayan daytoy ti pondo ken umno nga atension.
Maikatlo ti panakaestablish ti university led national data analytic center ken ti maudi ket pannakaipasdek ti Post Harvesting Facility saan laeng a cold chain facility.
Ngem sigun kenni Listino, irek-rekomendar dagitoy a rumbeng a maipasdek daytoy iti consumption area saan nga iti production area.
kabayatanna, inlawlawag daytoy a nasayaat nu adda ti maipatungpal a protesta tapnu ad-adda a mangngegan ti arungaing dagiti mannalon.
Kiddaw met daytoy a saan kuma a babalawen ti publiko ti panagrally dagiti grupo a mangipatpatungpal ti protesta.
Inlawlawagna a babaen ti panangipatungpal ti kilos protesta ket mangegan ti boses dagiti dadduma.//Bombo Noveh Organo
