Ikonkonsidera ti Land Transportation Franchising and Regulatory Board (LTFRB) ti pannakaipatungpal ti provisional fare increase kadagiti public transportation iti kanito a dumanon iti P60 tunggal litro ti presio ti diesel.
Daytoy ket gapu iti posible a panagngato ti nasao a produkto gapu iti tension a mapaspasamak sadiay Middle East.
Sigun kenni LTFRB chairperson Vigor Mendoza II, mabalin a desisyonanda ti petision seknan iti fare adjustment kadagiti public utility buses ken jeepneys no nakaru ti panagngato ti presio dagiti petrolyo.
Immunan a kinuna ti maysa nga opisyal ti Departmen of Energy a posible a P7 agingga P10 tunggal litro ti mainayaon iti presyo ti produkto a petrolyo.
Agipektibo daytoy iti kanito nga agtultuloy ti panagngato ti krudo iti world market gapu iti tension sadiay Middled East.
