ATOK, BENGUET – Agbalbalin a damag kadagiti umili sadiay Atok, Benguet ti agwarwaras a pablaak maipapan kadagiti flood control projects a naipatungpal iti nasao a munisipyo.
Daytoy ket gapu ta daduma a flood control control pajects a naikabil iti listaan ti Munisipio ti Atok ket saan a masarakan sadiay kas iti Baney, Copias, Ipit ken Pusong.
Maibasar iti nasao a pablaak, ti lugar a Baney ket addaan iti dua a flood control projects ken naipaayan daytoy ti pondo nga agarup P17 million ken agarup P9 million.
Sadiay Copias, naipaayan daytoy iti pondo a P9.8 million; sadiay Ipit a P9.8 mllion ken sadiay Pusong a P19.6 million.
Kabayatanna, iti panagsukimat dagiti opisyales ti Atok, naduktalanda a dagiti nasao a lugar ket masarakan iti dadduma a munisipyo ti Benguet kas iti Ipit a masarakan sadiay Kibungan, Baney a masarakan sadiay Buguias ken sitio Copias sadiay Kapangan.
Agtultuloy met ti panagadal dagiti opisyales maipapan iti panakainayon dagiti nasao a lugar iti flood control projects a naipatungpal iti munisipyo ti Atok, Benguet.//M
