ATOK, BENGUET – Manamnama a maibangon ti public cementery idiay Atok, Benguet.
Iti interview ti Bombo Radyo kenni Atok Mayor Franklin Smith , plano dagiti Municipal family Development ti pannakaibangan ti public cementery iti masakupanda a munisipyo.
Nupay kasta, dinakamat ti mayor nga awan ti umdas a pundo para iti nasao a panggep.
Iti agdama ket maob-obserbaran paylaeng idiay Atok ti traditional practice nu sadino maitabon ti pumusay nga umili iti mismo a lote dagitoy.
Kabayatanna, imbinglay ni Mayor Smith a naurnos, natalna ken naannayas ti panakalagip ti All Saints Day ken All Souls Day idiay Atok.
Iti sabali a bangir, nagyaman ti mayor kadagiti pulis, mannursuro ken dadduma pay a kameng ti law enforcement agency gapu ta natalna ken nakappia ti naglabas a Barangay Ken Sangguniang Kabataan Elections.//Bombo Rosemarie Bulsao
