Nagballaag ti Public Order and Safety Division wenno POSD a mamulta ken maipaayan pannusa dagiti asinom nga aglabsing kadagiti city ordinances ti Baguio City.
Iti exclusive interview ti Bombo Radyo kenni POSD deputy chief Daryll Longid , nangrugi idi Hunyo 2022 ket immado ti nailista ken natiliw dagitoy a naglabsing kadagiti pagalagadan ti suidad.
Sigun pay iti opisyal, kangrunaan a panaglabsing tinpubliko ti anti road obstruction gapu iti panag-ado ti lugan iti siudad nga awan met iti mabalin a pagparadaan dagitoy.
Innayon na a maysa ti illegal peddling wenno panaglako kadagiti sidewalks, pedestrian overpasses ken dadduma pay a parapubliko a lugar nu sadinno kangatoan a nailista iti daytoy ket dagiti nagtaod manipud Pampanga ken Batangas.
Malaksid iti daytoy innayon pay ti opisyal nga ado met laeng dagiti aglablabsing iti anti smoking ordinance wenno ti panakaiparit ti agsigarilyo ken ag vape iti parapubliko a lugar.
Gapu iti daytoy, kidkiddawen ti opisyal a sumurot dagiti amin a maseknan iti siudad nangruna dagiti bisita tapno saan a mamulta wenno maipaayan ti pannusa.
