METRO MANILA | Inwaragawag ti Land Transportation Franchising and Regulatory Board (LTFRB) ita nga aldaw, nga awan ti namonitor dagitoy a pannakasinga ti public transportation iti baet ti naisayangkat a nationwide strike kontra iti public utility vehicle modernization program (PUVMP) ti gobierno ita nga aldaw sadiay National Capital Region (NCR).
Gapu iti dayta, saan a nangi-deploy ti Land Transportation Franchising and Regulatory Board (LTFRB) ti unitsda para iti free ride service tapno matulongan dagiti apektado a pasahero iti naso a transport strike.
Sigun kenni Mar Valbuena, presidente ti MANIBELA saan a kasapulan a masuspende ti klase dagiti studyante ken saan a kasapulan a mangipaaay dagitoy ti libreng sakay nu umdas met dagiti jeepney nga apasada.
Innayon pay ni Valbuena a manamnama ti ad-adu pay a protesta, sakbay ti Mayo 1.
Maipalagip a nangisayangkat ti Pagkakaisa ng mga Samahan ng Tsuper at Opereytor Nationwide (PISTON) ken Samahang Manibela Mananakay iti Nagkaisang Terminal ng Transportasyon wenno MANIBELA ita nga aldaw ti panagwelgada partikular iti National Capital Region tapno kontraenda ti Abril 30 a deadline para iti consolidation ti jeepney drivers ken operators iti sidung ti programa ti gobierno a public utility vehicle modernization program (PUVMP).
