Baguio City-Agtultuloy a guyguyuguyen ti Commission of Election wenno COMELEC ti publiko nga agparehistro tapno maliklikan ti atiddog a pila kadagiti maudi nga aldaw ti voters registration.
Iti panakiyuman ti Bombo radyo kenni Comelec Baguio Election Officer Atty. John Paul Martin, tempororyo a masarakan ti opisina da iti SM Baguio tapno ad-adu ti maakomodar da a bontante nga agparehistro para iti Barangay and Sangguniang Kabataan Election inton Oktubre iti agdama a tawen.
Sigun pay iti opisyal, maibasar iti datus ti nasao nga ahensiya, nasurok iti 500 registrants paylaeng ti nakapagparehistro.
Kabayatanna, innayon pay ti opiayal nga awan pay ti naipaulog a pammilin manipud iti COMELEC Central Office nu mailaylayon ti voters registration nga agleppas intun Enero 31.
Mainaig iti daytoy, maikkan ti gundaway dagiti balud nga agparehistro babaen iti maipatungpal a satellite registration.
Malaksid iti dayta maikkan met iti special registration dagiti Senior Citizens karaman dagiti Persons with Disabilities iti maikadwa a lawas ti Enero.
Kasapulan laeng a mangiparang ti maysa a valid ID wenno proof of identity ken kumpletuen ti registration form ken agturong iti anyaman nga opisina ti comelec alas otso ti agsapa agingga alas singko ti malem.//marjorie salting
