Nagballaag ni PLT Col. Benson Macli-ing-Chief ti La Trinidad Municipal Police Station iti publiko nga agridam kadagiti modus operande wenno scam.
Daytoy ket kasaruno ti panangaramatda iti nagan daytoy tapno mapapati nga agpadeliver iti bagas iti maysa nga indibidual.
Sigun kenkuana, nagtawag ti maysa nga indibidual kenkuana tapno damagen wenno kumpirmarenna no pudpudno nga agpapadeliver daytoy iti bagas.
Dagus met a tinawaganda ti nadakamat a number ngem saan a simmungsungbat ken id-ideppenna ti awag dagitoy.
Gapu iti daytoy, inyunay-unayna iti publiko nga agbalin a naridam ken kasapulan nga ikumpirmar no adda man ti kastoy a mapasamak kadakuada tapno maliklikan a ma-scam.
Innayonna a pay a kasapulan nga agbalin a naaddan, saan a dagus a patien ken ipaay dagiti dawdawatenda ken kangrunaan ket ti dagus panangireport kadagiti police station tapno masolbar daytoy.
