BAGUIO CITY- Opisyalen nga indeklara ti Philippine Atmospheric, Geophysical and Astronomical Services Administration (PAGASA) ti panagrugi ti rainy season iti pagilian a Pilipinas.
Iti interview ti Bombo Radyo kenni Engr. Larry Esperanza, Chief Meteorologist ti Philippine Atmospheric, Geophysical and Astronomical Services Administration (PAGASA)-Baguio, kinunana a manamnama ti masansan a panagtuduna inton sumaruno a bulan partikular iti bulan ti hulyo, agosto ken setyembre.
Gapu iti daytoy, nagballaag iti publiko a nasken nga agbalin a naridam apaman nga adda ti sumangbay a bagyo iti pagilian a Pilipinas.
Malaksid iti dayta, kasapulan a kanayon nga imonitorda dagiti post ti Atmospheric, Geophysical and Astronomical Services Administration (PAGASA), tapno maaddan dagitoy iti impormasyon apaman nga adda ti bagyo.
Kinuna a masapul nga ammuen ti umno a panagsagana ken ti aramiden sakbay a dumanonen ti bagyo.
Kabayatanna, manamnama met ti agtultuloy a panagtudo iti siudad iti Baguio gapu paylaeng ta adda tayo iti geographical area.
