Maguyguyugoy ti publiko a makipaset ken gumatang iti maipatpatungpal a live selling ti Bureau of Jail Management and Penology (BJMP).
Iti panakiuman ti Bombo Radyo kenni Jail Officer 1 Marc Wayne Valentin, Welfare and Development Officer ti Bureau of Jail Management and Penology (BJMP), impeksana a naituding a maiwaragawag ti maikatlo a live selling dagitoy nu sadino maitampok dagiti produkto nga inaramid dagiti Persons Deprived of Liberty (PDLs) a pakairamanan dagiti bags, beads, bayong ken daduma pay.
Iti agdama, dumanon iti agarup sangagasut lima pulo a bag ti nailako dagitoy ken dumanon iti agarup uppat a pulo ti nailako kadagiti beads.
Dumanon met iti dua agingga tallo nga aldaw a malmalpas dagiti Persons Deprived of Liberty (PDLs) dagiti produkto dagitoy.
Ti mapaspastrekan dagiti Persons Deprived of Liberty (PDLs) iti nagilakoan dagitoy ket maar-aramat para iti panakagatang ti baro a materyales kasta met a maipapaayan dagitoy iti sueldo.
