Nagpalagip ni Public Health Programs Head Dr. Cham Bacuso, Medical Specialist 1 iti publiko tapno sursuruen dagitoy a basaen dagiti labels dagiti agas sakbayda a tumaren.
Iti pannakiuman ti Bombo Radyo kenkuana, kinunana nga agpada ti gramo ti branded ken generic nga agas rason a kasapulan nga agdamag kadagiti medical specialist sakbay a tumaren daytoy.
Sigun kenkuana no adda man dagiti resita dagiti doktor ket isu ti suruten kas iti nagan ken no manu ti gramo kasta metten no manu a pidaso ti tumaren iti maysa nga aldaw para iti dagus a pannakaagas ken kasta metten ti seguridad.
Kinunana a narisgo metlaeng daytoy iti salun-at partikular no maoverdose ti bagi ti maysa nga indibidual.
Gapu iti daytoy, impettengna a nasaysayaat nga agpacheck-up sakbay nga agtumar iti aniaman nga agas tapno maipaayan dagitoy iti umno a resita nga agas.
