Nagpalagip manen dagiti maseknan nga opisyales iti siudad ti Baguio tapno makitinnulong dagitoy babaen iti panagdalus ken panagsurot kadagiti preventive measures kontra iti dengue.
Kasaruno daytoy ti panagngato dagiti pimmusay nga indibidual iti siudad no sadino dumanon daytoy iti sangapulo ket lima.
Dagiti pimmusay iti daytoy ket pakairamanan dagiti uppat nga ubbing nga agtawen iti maysa, uppa,innem ken siyam.
Nabigbig met dagiti dua a pimmusay iti daytoy a residente idiay Irisan ken Camp 7 bayat a dagiti dadduma ket nagtaud kadagiti dadduma a lugar.
Dagiti karaman iti top 10 a barangay nga addaan iti kauduan a rekord ket pakairamanan paylaeng ti Irisan, Bakakeng Central, Asin Road, Pacdal, Sto. Tomas Proper, Camp 7, Gibraltar, Loakan Proper, Bakakeng Norte ken Pinget. Gapu iti daytoy, inyunay-unay ni Mayor Benjamin Magalong, iti publiko a nasken nga ituloyda ti search and destroy operations tapno madadael dagiti mabalin a pagitlogan ti lamok.
