Kidkiddawen ni PMSg Prudencio Atas, information officer ti Tabuk City Police Station iti publiko nangruna dagiti vloggers a liklikan ti panangipablaak iti saan nga um-umno a damag a mangdadael iti padada a tao.
Malaksid iti dayta, kidkiddawenna metlaeng ti pannakaawat dagitoy partikular dagiti umili idiay Tabuk City agsipud ta saan dagitoy a marespondean dagiti sumagmamano nga insidente gapu iti kinakurangda.
Iti interview ti Bombo Radyo kenkuana, kinunana a no mamingsan ket saan a dagus a marespondean dagiti sumagmamano nga insidente sadiay agsipud ta agarup dua gasut laeng dagitoy no sadino amin dagitoy ket nakadeploy kadagiti nagduduma nga stasyon pakairamanan kadagiti checkpoint operations ken dadduma pay.
Gapu iti daytoy, inyunay-unayna ti pannakitinnnulong ti publiko tapno ireport a dagus kadakuada no adda man ti saan a nasayaat nga insidente tapno masolbar a dagus daytoy.
Impasiguradona metlaeng t seguridad dagitoy iti kanito a makaawatda iti report seknan kadagiti suspek iti napaspasamak nga insidente sadiay.
