Saanen a maimatangan dagiti puersa ti North Korea iti frontline iti rehion ti Kursk idiay Russia sumagmamanon a lawas ti napalabas, sigun iti maysa a suldado ti Ukraine.
Daytoy ket iti tengga ti naipadamag a kaaduan kadagiti puersa ti Pyongyang, North Korea ti pimmusay .
Sigun iti pannakangiwat ti Special Operations Forces ti militar ti Ukraine a ni Colonel Oleksandr Kindratenko, saanda a maobserbaran ti kaadda ti puersa ti North Korea iti tallo a lawas, ken patienna nga immatras gaputa pimmusay ti kaaduan a kakaduada.
Kasaruno ti report a sumagmamano a North Korean units ti immatras iti frontlines kalpasan a pimmusay ti kaaduan, sigun kenni Ukrainian presidential adviser Mykhailo Podolyak.
Agarup 12,000 a suldado ti North Korea ti naipatulod idiay Russia, sigun iti opisial ti Ukraine ken Western intelligence reports, nu sadinno agarup 4,000 a suldado ti North Korea ti pimmusay wenno nadangran.
Naideploy ti puersa ti North Korea iti Kursk sipud pay idi Nobiembre tapno malabanan ti panangraut ti Ukraine iti makin-abagatan a rehion iti nagbeddengan ti Russia.
Sigun met kenni Ukrainian President Zelensky, one-third kadagiti puersa ti North Korea ket pimmusay.
