--Ads--
BAGUIO CITY–Naitabonen itay itay agsapa sadiay Manabo, Abra ni PO3 Carlos Bocaig a pimmusay iti panagbettak sadiay La Paz, Abra idi napalabas a bulan.
Intulod daytoy dagiti kameng ti Special Action Force (SAF)-SEABORNE kas wagas iti panangipaay iti pammadayaw ken panagraem kenkuana.
Impeksa dagiti kameng ti SAF ti liday dagitoy iti pannakapukaw ti kaduada nga imbilangdan kas pudpudno a kabsat.
Kabayatanna, hustisia latta ti ipukpukaw ti pamilia ni PO3 Bocaig iti baet a naawatdan ti ipupusay daytoy gapu iti napigsa a dedekasionna iti serbisio.
Inldawan daytoy ti pamiliana kas responsable a kabsat ken anak.
Maipalagip a malaksid ken ni PO3 Bocaig ket pimmusay met laeng ni PO2 Frenzel Kitoyan iti panagbettak sadiay La Paz, Abra idi Enero 25.
