Nakasaganan dagiti maseknan nga otoridad iti siudad ti Baguio para iti Holy week ken iti padpadaanan nga isangsangbay dagiti turista iti siudad.
Iti panakiuman ti Bombo Radyo kenni Rafael Valencia, mangidadaulo iti 911-Hotline responders, impeksana a nagsasaruno ti nirepondean dagitoy nga insidente partikular ti “Karambula” nangruna ita a nangina nga aldaw.
Kangrunaan kadagiti mairamraman iti aksidente ket dagiti addaan ti emplowensya ti arak.
Nu pay kasta, impaganetget ni Valencia a dagiti aksidente a mapaspasamak ket mangituntunda ti minor injuries nangruna kadagiti turista a saan a pamilyar kadagiti kalsada iti siudad.
Iti agdama, adda dagiti nakadeploy kadagiti nagduduma a paset ti siudad para iti dagus a panagresponde apaman nga adda ti mapasamak nga aksidente ken emerhensia.
Malaksid iti dayta, nakasagana met dagiti equipmentsda ken dagiti pulisya para iti mapadpadaan a lucky summer visitors iti siudad ti Baguio ken Benguet para iti tinawen a programa ti Baguio Correspondents and Broadcasters Club Incorporated (BCBC).//Mariel
