Kinuwestionaran ni Davao City 1st District Rep. Paolo “Pulong Duterte ti nagbalin nga statement ni Defense Secretary Gilberto Teodoro Jr. a rumbeng nga ag-resign iti pwesto dagiti opisial ti gobierno a sumupsuporta iti China seknan iti isyu ti West Philippine Sea (WPS).
Sigun iti Kongresista, agtaud ti mandato dagiti nabotosan nga opisial kadagiti Pilipino ken saan nga iti Secretary ti Department of National Defense.
Innayon ni Duterte a no patien ni Teodoro nga adda ti naglabsing iti linteg nga opisial ket rumbeng a marisut babaen iti umno a legal a proseso imbes nga awagan ti panagresign dagitoy.
Impetteng ti opisial a saan a marukod ti patriotismo babaen iti “pro-China” wenno ti kina-vocal ti maysa a tao sekan iti isyu ti West Philippine Sea.
Sigun pay kenni Duterte, saan laeng a ti China ti mangtagtagikua iti kabaybayan a paset ti Pilipinas, isu’t gapuna a saan a makatulong ti “panagde-demonize” iti Beijing.
Kabayatanna, sinungbatan met daytoy ni Teodoro no sadino, kinunana a saanna a dakdakameten ti personal a pammati dagiti opisial no diket ti obligasyonda nga agtungpal iti linteg ken polisiya ti gobierno.