Dumanon iti walo gasut a botante pay ti namnamaen ti Commission on Elections-Bangued, Abra nga agparehistro inton bulan ti Setymebre tapno makompleto ti puntirya daytoy a dua a ribo a bilang dagiti agparehistro.
Iti panakiuman ti Bombo Radyo kenni Atty. Gustavo Dalen,Election Officer iti Comission on Elections-Bangued, Abra, agarop sangaribo dua gasut paylaeng ti nakapagparehistro a botante iti nasao a munsipyo iti agdama.
Sigun kenni Dalen, dumanon laeng iti sangagasot ti kaadwan a bilang ti mapan agpaparehistro tunggal aldaw.
Innayon ti opisyal nga a maob-obserbaran ti pila ngem saan unay nga atiddog gapu ta saan unay nga ado ti residente iti nasao a munsipyo.
Mainaig iti dayta, naobserbaran met sadiay Bangued ti aktibo a partisipasyon dagiti agtutubo nu sadino, maysa laeng manipod iti tallo pulo ket maysa(31) ti awanan ti opisyal iti Sangguniang Kabataan.
Sigun kenni Dalen, nainget nga imonmonoitor dagiti opisyales iti Local Government Unit iti nasao a munispyo nga ipatpatungpal dagiti Sanguniang Kabataan dagiti naimandato nga ubraenda.
Kabayatanna, maur-uray payleng ti resulta iti imbestigasyon dagiti kameng ti pulisya sadiay nu ti napasamak a panakapalpaltog ti maysa a kapitan ket adda pakainaiganna iti umadanin nga eleksyon.
