BAGUIO CITY – Naartapan ti Bureau of Internal Revenue (BIR) Cordillera ti puntiryada a koleksyon idi tawen 2021 iti baet ti covid-19 pandemic a nangapektar iti ekonomiya.
Gapu iti dayta, naibilang ti BIR – CAR iti Top 10 nationwide kadagiti nakagun-od iti collection target
Banag a tinagiragsak ni BIR Dir. Douglas Rufino
Sigun ken Rufino, puntiryada idi tawen 2021 a makakolektar iti 5.5 billion pesos ngem naartapanda daytoy idi nakakolektarda iti 5.9 billion pesos.
Inlawlawagna a linmabesda iti 10% wennu nasurok 400 milyon pesos iti annual goal ti ahensya iti nasao a tawen.
Dinakamatna a kangrunaan a makagapu iti pananggun-odda iti collection goal da ket gapu iti teamwork ken kooperasion dagiti tax payers iti rehion.
Kabayatanna, kinunana a ti Baguio City latta ti agserserbi a flag carrier iti rehion Cordillera iti benneg ti tax collection.
