BAGUIO CITY – Naragpaten ti Department of Education (DepEd)-Baguio ti puntiryada a bilang dagiti enrollees ita nga school year 2019-2020.
Iti interview ti Bombo Radyo Baguio kenni Dr. Federico Martin, Schools Division Superintendent ti DepEd-Baguio, kinunana a kalpasan ti makalawas manipud naglukat ti klase ket dumanonen iti nasurok 57,000 dagiti enrollees iti siudad ti Baguio.
Immapela metlaeng daytoy kadagiti nagannak nga ipa-enroll-da dagiti annakda bayat nga umawat pay ti DepEd kadagiti late enrollees.
Kinunana a maawat latta dagiti agpa-enroll kadagiti sumaruno nga al-aldaw ngem depende daytoy iti rason dagiti estudiante.
Impetteng ni Martin a dakkel ti mapukaw kadagiti late enrollees gaputa maudi dagitoy kadagiti leksion iti pagadalan.