Naikkat ti pustiso iti maya a kandidata iti Miss Grand Thailand 2026 bayat nga adda daytoy iti entablado ken nangiyam-ammo iti bagina.
Iti preliminary competition, nagpaam-ammo daytoy a ni Kamolwan Chanago, Miss Grand Pathum Thani, idi kellaat a naikkat ti pustisona ngem saan met a natnag.
Iti baet iti insidente, nabaelan paylaeng ni Kamolwan a leppasen ti spiel ken simple a nagtalikud kadagiti agbuybuya tapno ikkaten ti nairuarna a pustiso.
Kalpasan daytoy, simmango manen ni Kamolwan iti audience ken nangipaay iti maudi a pose kawesna iti evening gown.
Naaramidna metlaeng nga agisem.
Naituding a maisayangkat ti coronation night iti Miss Grand Thailand 2026 inton Marso 28 iti MGI Hall, Bravo BKK Mall idiay Bangkok.
Ti mangabak ket koronaan ni Miss Grand Thailand 2025 a ni Sarunrat “Gotchabell” Puagpipat, ken makilaban iti Miss Grand International 2026 iti India.
