--Ads--
BAGUIO CITY–Malmalpasen ti maipaspasdek a municipal quarantine facility ti Sablan, Benguet.
Iti panakiyuman ti Bombo Radyo Baguio, dinakamat ni Mayor Manuel Munar a maipaspasdek ti nasao a pasilidad sadiay Barangay Bayabas.
Kinunana a naisagana ti nasao a pasilidad para kadagiti agawid sadiay a Locally Stranded Individuals, OFWs ken dagiti makarikrikna ti sintomas ti COVID-19.
Nupay kasta, namnamaenna nga uray nangisaganada iti quarantine facility ket awan dagiti maiturong sadiay tapno naan-anayen a COVID-19 free ti Sablan.
Kagiddan iti daytoy ket palpalagipanna manen dagiti amin nga umili ti Sablan iti panagtungpalda latta kadagiti paglintegan tapnu agtalinaed dagitoy a natalged manipud iti COVID-19.
timek ni Sablan Mayor Manuel Munar
