Dinayeg ti magnitide 5.6 a gingined ti baybay nga asideg idiay Jomalig, Quezon itay 10:11 ti rabii sigun iti Philippine Institute of Volcanology and Seismology (PHIVOLCS).
Sigun iti nasao nga opisina, nailista ti gingined iti kaunegna a 10 kilometro ken kalawa a narikna iti nagduduma a paset ti Luzon, pakairamanan ti Metro Manila, Rizal, Quezon, Bulacan, Pampanga, Cavite, Laguna, Camarines Norte, Camarines Sur, ken dadduma pay a lugar.
Nairekord met ti Intensity III idiay Quezon City.
Kabayatanna, sigun iti instrumental intensity report ti PHIVOLCS, nakapadas met ti Intensity III ti Jose Panganiban ken Mercedes idiay Camarines Norte, kasta metten idiay Guinayangan ken Infanta idiay Quezon.
Nairekord met ti Intensity II idiay Ragay, Iriga City, Pili, Sipocot, ken Sagnay idiay Camarines Sur.
Iti agdama, awan pay ti naireport a dadael seknan iti napasamak a gingined. //bombokaren.c.sapirao