Nangipila ti “not guilty plea” iti idiay Pasig City ti kampo ken ni Kingdom of Jesus Christ (KOJC) founder a ni Pastor Apollo Quiboloy ken dagiti uppat a kaduana nga akusado iti reklamo a qualified human trafficking.
Kinumpirmar daytoy ti legal counsel ni Quiboloy a ni Atty. Israelito Torreon.
Nagkedked ni Torreon nga ibaga ti kanayunan nga statement seknan iti nasao a banag ken kinunana a ti kaso ket addan iti korte.
Sigun kenni Toreon, ti sumaruno a panagdinggeg ket maipasamak inton Oktubre.
Ni Quiboloy ket kinadduan dagiti kameng ti Philippine National Police, simmangpet iti korte idiay Pasig iti agarup alas 7:40 ti agsapa kalpasan a pimmanaw idiay Camp Crame iti oras ti alas 7:18 ti agsapa.
Nakakawes daytoy ti “protective helmet” ken “bulletproof vest” kasta metten ti “face mask” ken “sunglasses.”
Kabayatanna, ti reklamo a qualified trafficking a naipila kontra kenni Quiboloy nga imatmatonan ti Pasig Regional Trial Court Branch 159, ket saan a mapiansaan.
Dagiti padana nga akusado ket da Jackielyn Roy, Cresente Canada, Paulene Canada, Ingrid Canada, ken Sylvia Cemane.
