Agtaltalianed nga aktibo ti Quick Response Team (QRT) operations ti DSWD Field Office Cordillera Administrative Region (FO CAR) bayat a mapaspasaran pay laeng ti epekto ti Southwest Monsoon ken Typhoon Inday kadagiti sumagmamano a paset ti rehiyon Cordillera.
Sigun iti nasao nga ahensya, makikokoordinarda metlaeng kadagiti local government units ken dadduma pay nga ahensya ti gobyerno tapno mamonitorda dagiti sitwasyon iti rehiyon ken dagosda a makaipaay kadagiti disaster responses.
Impakaammo metlaeng ti nasao nga ahensya a nakasagana ti agarup 87,414 Family Food Packs, 19,902 non-food itens, ken 10, 019 Ready-to-Eat Food Packs
Malaksid iti dayta, nakasagana metlaeng ti agarup P2.46 milyon a pundo para iti panangsigurado nga adda ti maipaay nga assistance kadagiti pamilya a posible a maapektaran. //bombokaren.c.sapirao