BAGUIO CITY – Ipampannakkel ita ti Barangay Fairview ti Rainbow Stairway dagitoy sadiay Purok 2, Sunnyside kalpasan ti inisiatibo ti Sangguniang Kabataan tapnu maipatungpal ti proyekto.
Sigun ken ni Fairview SK Chairman John Paul Bahug, nabayag daytoy a planoda idi pay napalabas a tawen ngem ita laeng a naipatungpal.
Kinunana a napilida a pinturaan ti agarup 15 metro nga agdan nga addaan iti nasurok 120 nga steps gaputa napintas pay ti pintor dagiti wall street dagitoy.
Dinakamatna a panggepda pay a pinturaan dagiti waiting shed inton sumaruno a tawen gaputa agkurangda pay iti maaramat a pondo iti agdama.
Dumanon iti 20 nga agtutubo ti nakipaset iti nasao nga proyekto.
Al-allukuyen ni Bahug dagiti agtutubo a makipaset iti nadumaduma a proyekto ti barangay.
