Inlawlawag ti Public Order and Safety Division nu apay a dadduma kadagiti personnel daytoy ket agtiltiliw ken agkumkumpiskar iti lako uray saanda a nakauniporme ken naka-ID.
Sigun kenni Daryl Kim Longid, Chief ti POSD, nakalanad iti ordinansa ti siudad a mabalin nga ikatenda dagiti aniaman a pakabigbigan dagitoy nangruna nu mangipatungpalda iti smoke-free operation ken anti-peddling.
Impeksana a namin ado metten a nadangran dagiti enforcers manipud kadagiti illegal pedders ngem saanda a nangipakita iti panagabuso.
Innayon ni Longid a kayatna maaddaanda iti sistema iti panangsulbar iti illegal peddling a saan a kasapulan ti nalabes a komprontasiyon.
Kabayatanna, inlawlawagna a dagiti makumkumpiskarda a lako dagiti illegal peddlers ket mait-ited iti City Social Welfare and Development ken Silungan Bahay Pag-asa nu sadino adda ti dokumentasion dagitoy kas pamaneknek.
Impaganetget ni Longid a sigsiguradoenda a nadalus ken saan a nadadael dagiti lako sakbayda nga ipaay kadagiti maseknan nga opisina.//mp4
