Kinuwestionaran ni Senate President Sherwin Gatchalian ti nasurok 7,000 a maipagarup a “red-flag projects” iti P643.95 bilion a pondo ti Department of Public Works and Highways (DPWH) para iti 2027.
Naduktalan ti 7,107 a proyekto nga addaan iti red flags, kabayatan ti Senate Finance Committee hearing.
Impeksa ni Gatchalian kenni DPWH Secretary Vince Dizon nga iti laksid dagiti naipatungpal a reporma, adda latta dagiti proyekto a nakalsut iti nainget a pannakasukimat daytoy.
Kiniddaw metlaeng Gatchalian kadagiti district engineers ken regional directors ti ahensya a dalusanda ken urnusen dagitoy ti datos sakbay nga isubmitirda iti central office.
Mangnamnama ni Gatchalian a saan a naigagara dagiti napaliiw nga anomalya ken indagadagna iti DPWH nga urnusenda a dagus sakbay a maisubmitir ti committee report.
