Naka-alerto ti Regional disaster authorities ti Northern Central Luzon gapu iti epekto ti Tropical Depression Luis ken Southwest monsoon.
Naipasidong iti Blue Alert ti Emergency Operations Center ti Office of Civil Defense (OCD) sadiay Region 1 ken Region 2.
Sigun kenni OCD Region 2 spokesperson Alvin Ayson, nakasagana dagiti otoridad nga agresponde iti kanito a kumaro ti situasyon.
Malaksid iti dayta, nakasagana metlaeng dagiti food ken non-food items para kadagii evacuation centers.
Kabayatanna, nangisayangkat ti OCD Cordillera iti pre-disaster risk assessment bayat a naka-standby dagiti member agencies para iti posible nga augmentation ken mobilization.