--Ads--
BAGUIO CITY- Nakemmeg ti maibilbilang kas Regional Top Ten Illegal Drug Personality ken High Value Individual iti naisayangkat a buybust operation sadiay Barangay T. Alonzo, Baguio City.
Nabigbig daytoy a ni Joseph Amisola Ringor, 48 anyos, awanan asawa, awanan trabaho ken residente ti T. Alonzo, Baguio City.
Maibasar iti report, inlako ti suspek kadagiti otoridad ti innem a heat-sealed transparent plastic sachet a naglaon iti mapapati a shabu nga agdagsen iti .55 grams ken aggatad iti P3,470.
Kabayatanna, nakumpiskar manipod pay kenkuana ti buybust money ken cellphone a naaramat iti transaksyon.
Manamnama a sumango daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
