BAGUIO CITY – Naarestar ti maibilbilang kas Regional Top Ten Illigal Drug Personality -Street Level Individual iti iligal a droga kasaruno iti buybust operation nga inpatungpal dagiti otoridad sadiay : Outlook Drive, Baguio City
Nabigbig daytoy a ni Marvin Arsenio Aluyen alysa Bishop, 33 anyos, naasawaan, minero ken residente ti Happy Hallow, Baguio City.
Maibasar iti report, nangilako ni Aluyen iti dua a pakete a naglaon iti maatap a shabu nga agdagsen iti 2 a gramo nga addaan standard drug price a 13, 600
Malaksid iti dayta, nakumpiskar manipod kenkuana ti buybust money, cellphone ken lugan a naaramat iti transaksyon ken maysa a 9mm a paltog ken magazine a naglaon iti tallo a bala
Gapu iti dayta, naituding a sumango ti lalaki iti kaso a panaglabing iti RA 9165 wenno Comprehensive Dangerous Drug act of 2002, RA 10591 ken COMELEC Gun Ban
