Maangay ita nga aldaw ti Registration Caravan para kadagiti botante iti Bakun, Benguet para iti umadanin a Barangay and Sangguniang Kabataan Elections(BSKE) inton November 2, 2026.
Iti panakaiuman ti Bombo Radyo kenni Richard Buenaventura, election officer iti Commission on Elections – Bakun,Benguet, impakaammona a maangay ti nasao nga special registration idiay Unversity of Baguio(UB) manipod alas otso iti agsapa(8:00AM) agingga alas cuatro iti malem (4:00PM).
Sigun kenni Bueneventura,karaman kadagiti transaksyon nga iyakomodarda ti new registration, transfer, ken correction of entry.
Dagiti agparehistro ket kasapulan a mangitugot kadagiti Identifcation Card(ID) wenno birth certificate.
Sigun iti opisyal,panggep ti nasao a tignay a makairehistro iti ad-adu pay a botante para iti nasao nga eleksyon gapu ta natumal nu agtalinaed dagiti kameng ti poll body iti mismo nga opisina dagitoy.
Kabayatanna, manarimaan paylaeng met ti panakaiproseso ti mapangpanggep a panakaipatungpal ti kapada nga aktibidad iti Benguet State University (BSU) idiay La Trinidad, Benguet kadagiti sumarsaruno nga al-aldaw.//Bombo Rob Dominguez
