Manamnama a malpas iti agdama a tawen ti rehabilitation iti basement area ti Maharlika Livelihood Center iti Baguio City.
Sigun kenni Arthur Allad-iw, Administrator ti Maharlika Livelihood Center, mabalin a malpas ti rehabilitation ti basement sakbay wenno intun Disiembre, nasapsapa no idilig iti immuna a naituding a petsa ti pannakaileppas daytoy.
Daytoy ket kasaruno ti assessment dagiti engineers ti siudad ti Baguio no sadino, nakitada a napartak ti progreso ti rehabilitation iti nasao a pasdek.
Maipalagip a nangrugi ti rehabilitation iti nasao a pasdek idi Agosto 2026 kalpasan a
nauram ti sumagmamano a paset daytoy idi September 6, 2026, a nangapektar iti nasurok 50 nga stalls.
Maibasar iti report, dumanon iti P16 milyon agingga P18 milyon ti danyos gapu iti insidente.
Para iti rehabilitation ti basement area, nangipaay ti lokal a gobierno ti Baguio iti pondo a dumanon iti P27 milyon tapno maisayangkat dagiti kasapulan a trabaho iti nasao a pasdek.
Manamnama a ti pannakailpas ti rehabilitation ket makatulong iti panagsubli ti operasyon dagiti stalls ken iti panangpasayaat manen iti pasilidad para kadagiti negosiante ken kostumers iti Maharlika Livelihood Center.//Bombo Khey Reparip
