Dumanonen iti 46 ti nailista ti Philippine National Police (PNP) a bilang dagiti election – related incidents (ERIs) ita a 2025 Local ken National Election iti pagilian.
Sigun iti nasao nga ahensia, nakailista ti rehion Cordillera iti kadakkelan a bilang ti election – related incidents partikular iti probinsia iti Abra, sinaruno ti Bangsamoro ken Calabarzon.
Iti baet dayta kinuna ti nasao nga ahensia a ti kaleppas nga eleksion ket mangipakpakita iti “considerably improved security landscape” no sadino, bimmaba ti nairekord a kinaranggas no idilig iti 2023 Barangay ken Sangguniang Kabataan Elections.
Bimmaba daytoy iti 56% no idilig iti 105 nga insidente a nairekord idi 2023.
Nupay kasta, nangatngato ti bilang ti election – related incidents iti national ken local election ita a tawen no idilig iti 2022 presidential Elections.//
