Naipasidong iti “high-risk” Emergency Preparedness and Response (EPR) protocol dagiti uppat a rehiyon iti pagilian a Pilipinas partikular iti rehiyon Cordillera, National Capital Region, Bicol Region ken Eastern Visayas Region.
Sigun Office of Civil Defense Spokesperson Director Edgar Posadas, naingato iti protocol dagiti nadakamat a rehiyon para iti naan-anay a panagsagana dagiti emergency reponse organizations.
Karaman iti high-risk protocol ti panagbalin nga aktibo dagiti emergency operations centers kas iti panangipasidong iti red alert, panangsuspindi kadagti klase ken trabaho, panangipatungpal kadagiti preemptive ken forced evacuations.
Malaksid iti dayta, naibilin pay kadagiti maseknan nga ahensia a mangisayangkat dagitoy iti Pre-Disaster Risk Assessment (PDRA) Analyst group Meetings tapno mapagtatalantanan dagiti kasapulan dagiti nadakamat a rehiyon.
Kabayatanna, na-mobilize metten dagiti Camp Coordination ken dagiti Camp Management teams para iti posible a pre-emptive evacuations.
