Nagleppas kas 4th runner-up ti rehiyon Cordillera iti kaleppas a National PRISAA wenno Private Schools Athletic Association 2025 iti Senior Division a naangay sadiay Tuguegarao City manipud Abril a tres agingga a onse iti agdama a tawen.
Daytoy ket kalpasan a nakaiyawed dagitoy iti 129 a medalya a buklen ti 46 a gold medal, 42 a silver medal ken 41 bronze medal.
Ti kampeon iti National PRISAA Senior Divison ket ti SOCCSKSARGEN wenno Region 12 a nakaala iti 287 a medalya a buklen ti 128 gold medals, 104 silver medals ken 55 bronze medals.
Maikadua iti pwesto ket ti Region 7 wenno ti Central Visayas nga addaan iti 276 a medalya; maikatlo a pwesto ti CALABARZON wenno ti Region 4-A a nakaiyawid iti 185 a medalya.
Kabayatanna, nagleppas kas maika-innem a pwesto ti Cordillera iti Junior Division ti National PRISAA kalpasan a nakaalada ti 57 a medalya a buklen ti 31 gold medals, 17 silver medals ken 9 bronze medals.
Ti over-all champion iti nasao a division ket ti Western Visayas wenno Region 6 a nakaala iti 243 a medalya a buklen ti 99 gold medals, 77 silver medals ken 73 bronze medals.
Simmaruno iti pwesto ti Region 4-A wenno ti CALABARZON nga addaan iti 200 medals; maikatlo a pwesto ti Region 5 wenno ti Bicol Region; maikapat a pwesto ti Region 7 wenno ti Central Visayas ken ti maikalima a pwesto ket ti Negros Island Region.
Kabayatanna, naituding a mapasamak ti sumaruno a National PRISAA sadiay Negros Island Region inton sumaruno a tawen.
