Imbinglay ni Operation Sections Chief Frankie Cortez manipud iti Office of the Civil Defense-Cordillera a minor wenno saan unay a naapektaran ti rehiyon Cordillera iti naglabas a bagyo nga Enteng.
Daytoy ket resulta ti agtultuloy a panagregget ken panagpalagipda iti publiko tapno agannad dagitoy partikular ita a mapaspasaran ti panagtutudo.
Iti interview ti Bombo Radyo kenkuana, kinunana a kasapulan ti panaggannad kenno mabalbalin ket liklikan ti rumwar la ketdi awan ti importante nga aramiden.
Kanayun metlaeng a palpalagipanda dagiti local government units iti rehiyon Cordillera tapno agdalus dagitoy kadagiti paraanganda, kadagiti kanal tapno saan a mapullatan no agtudo.
Nupay kasta, agarup 127 a pamilya ti naapektaran iti daytoy kalpasan a partially damaged dagiti pagtaengan dagitoy.
Malaksid iti dayta, adda ti sangapulo ket tallo a kalsada a nailistada a nargaay, ngem dagus metlaeng a nadalusan dagitoy.
Iti met danyos ti agrikultur, awan paylaeng ti naawat dagitoy a report seknan iti nasao a banag.
Ita baet dayta, nagpalagip manen ni Cortez iti publiko nga agbalin nga alerto iti kanito nga adda sumangbay a didigra wenno bagyo.
