BAGUIO CITY- Naipilan ti kaso dagiti suspek iti City Prosecutor’s office ti reklamo iti panagtakaw iti maysa a cellphone shop idiay Middle Session Road, Baguio City.
Sigun kenni Police Major Harriet Bulcio, pannakangiwat ti Baguio City Police Office, naamwanen ti pakabigbigan dagiti suspek iti panagtakaw.
Impasiguradona met kadagiti agtagikua iti nasao shop a makemmeg dagiti suspek ken kiniddawna nga agtalekda iti Baguio City Police Office ken iti justice system.
Kabayatanna, mapalpalagipan met dagiti business establishments iti siyudad nga agannad, ag-hire ti security personnel ken ag-install ti CCTV cameras kadagiti establishmentoda.
Maipalagip a napasamak ti panagtakaw iti maysa a cellphone shop idiay Middle Session Road idi umuna a lawas iti agdama a bulan, no sadino minilyon-milyon a cellphone products ti natakaw ditoy.//Bombo Jez Lapizar
